ABŞ-ın müdafiə naziri Pit Heqset Hərbi Hava Qüvvələri Departamentinə (HHQ) HHQ-nin yenidən təşkili ilə bağlı bütün planları dayandırmağı əmr edib. AFN.az xəbər verir ki, bu barədə idarənin rəsmi nümayəndəsinə istinadən “Air Force and Space Magazine” nəşri məlumat yayıb."Müdafiə naziri fevralın 6-da Hərbi Hava Qüvvələri Departamentinə Böyük Güclərin Rəqabəti üçün Yenidən Optimallaşdırma proqramı ilə bağlı bütün planlaşdırma fəaliyyətlərini dayandırmağı əmr etdi" - deyə mənbə bildirib.Jurnalın məlumatına görə, ABŞ Prezidenti Donald Tramp Hava Qüvvələrinin katibi vəzifəsinə Troy Meinkeni, dövlət katibinin müavini vəzifəsinə isə Metyu Lohmeyeri namizəd göstərib. Qeyd olunur ki, ABŞ Senatının Silahlı Qüvvələr Komitəsi hələlik onların təsdiqi ilə bağlı dinləmələr təyin etməyib. Nəşrin hesablamalarına görə, Hərbi Hava Qüvvələri və Kosmik Qüvvələrin transformasiyası üzrə genişmiqyaslı plan departamentin yeni rəhbərliyi işə başlayana qədər bir neçə ay ərzində naməlum vəziyyətdə qala bilər.
