.jpg)
Şahin Diniyevi baş məşqçi postunda əvəzləyən Cavid Hüseynovun "Səbail"də ilk radikal qərarı qapı mövqeyində oldu.
Hüseynəli Quliyev gənc Əlirza Müştəbazadə ilə əvəzləndi.
23 yaşlı Əlirza da arxada buraxdığı 3 Premyer Liqa matçında əla performans sərgiləməklə çalışdırıcının ümidlərini doğrulda bildi.
"Səbail"in 3 matçda aktivinə 7 xal yazdıra bilməsindən onun da xidməti böyükdür.
Amma Hüseynəli heç də asanlıqla "bir nömrə" statusunu Əlirzaya vermək fikrində deyil.
Ölkə kubokun 1/4 final mərhələsinin "Qarabağ"la baş tutan ilk dueli belə düşünməyə əsas verir.
İlk "11-lik"də meydana çıxan Quliyev meydanın ən yaxşısı idi.
Çərçivə qoruyucusu ən azı 3 epizodda əla seyvlə komandasını qoldan xilas etdi.
Xüsusilə Patrik Andradenin əla zərbəsinə verilən reaksiya fantastik idi.
Bunu "Mən də varam" mesajı kimi qəbul etmək olar.
Aşağıdakı linkə daxil olaraq onun əla performansını izləyə bilərsiniz:
XANOĞLAN / SPORTİNFO.AZ
