ABŞ Prezidenti Donald Tramp, Qəzza sektoru üzərində nəzarət qurma niyyətini açıqlayıb və bu ərazinin bərpası üçün Yaxın Şərq ölkələrinə dəstək verməyə hazır olduğunu bildirib.“Ulusum”.az xəbər verir ki, Tramp, bazar günü Superkubok üçün Nyu-Orlean şəhərinə gedərkən jurnalistlərə deyib: "Qəzzanı alıb ona sahib olmağı planlaşdırıram. Lakin onun bərpasını digər Yaxın Şərq ölkələrinə verə bilərik ki, onlar bu işdə bizə rəhbərlik etsinlər."O, sektorda Hamasın geri qayıda bilməməsi üçün hər cür tədbir görəcəklərini vurğulayıb. "Orada qayıdılacaq heç nə yoxdur. O yerin tamamilə sökülməsi lazım olacaq, və qalan hissə də söküləcək", - deyə Tramp bildirib.Tramp həmçinin Qəzza ərazisini dünyanın ən təhlükəli yeri olaraq qiymətləndirib, amma bu ərazini gələcəkdə inkişaf etdirərək orada gözəl bir həyat qurmağı planlaşdırdıqlarını da əlavə edib. "Biz digər ölkələrə onun bir hissəsini inkişaf etdirməyə icazə verəcəyik. Bu, gözəl olacaq. Dünyanın hər yerindən insanlar orada yaşamaq üçün gələcək", - deyə Tramp vurğulayıb.Eyni zamanda, o, fələstinlilərə qayğı göstərəcəklərini və onların harmoniya və sülh içində yaşamasını təmin edəcəklərini bildirib.Səidə
Diqqət Çəkənlər
Nazir: İran təhdidlər altında danışıqlarda iştirak etmir
Ərdoğan Azərbaycanla əhəmiyyətli sazişi təsdiqlədi
Pensiyalar artımla nə vaxtdan veriləcək?
