Yəmənin Ənsar Allah hərəkatından olan husi üsyançıları Qüds Qəzza zolağında döyüşləri bərpa edərsə, İsrail ərazisinə hücumları bərpa etməyə hazırdır.
Oxu24.com “Al Masirah” telekanalına istinadən xəbər verir ki, bunu hərəkatın lideri Əbdül-Malik Əl-Husi deyib.
“Biz barmağımızı tətikdəyik və İsrail düşməni Qəzza zolağına qarşı təcavüzü bərpa edərsə, onunla dərhal gərginləşməyə hazırıq.
Bu il yanvarın 19-da Qəzza zolağında atəşkəs qüvvəyə minib. 42 gün davam edəcək atəşkəsin birinci mərhələsi çərçivəsində HƏMAS-ın bütün qadın və uşaqlar da daxil olmaqla 33 israilli girovu azad edəcəyi gözlənilir. İsrail buna cavab olaraq azad edilmiş hər mülki şəxs üçün 30, hər əsgər üçün isə 50 fələstinli məhbusu azad edəcək.
O vaxtdan bəri İsrail və HƏMAS bir neçə mübadilə həyata keçirib. Fevralın 8-də İsrailin baş naziri Benyamin Netanyahu HƏMAS hərəkatını ləğv etmək və Qəzza zolağında radikallar tərəfindən saxlanılan bütün girovları qaytarmaq niyyətində olduğunu açıqlayıb.
Bundan əvvəl ABŞ prezidenti Donald Tramp Qəzza zolağına nəzarəti ələ keçirmək niyyətində olduğunu açıqlamışdı.
Miri
