Cənubi Koreya Müdafiə Nazirliyinin rəsmisi “Agence France-Presse”yə bildirib ki, Şimali Koreya Rusiyaya 200 uzaqmənzilli artilleriya qurğusu verib.
Rəsmi Pxenyanın Moskvaya “təxminən 11.000 əsgər, 200 uzaqmənzilli artilleriya qurğusu və çoxlu sursat” verdiyini və çox güman ki, “gələcəkdə daha çox əsgər, silah və sursat təmin edəcək”.
Ötən ilin dekabrında ABŞ və Cənubi Koreya rəsmiləri müharibəyə kömək etmək üçün Rusiyaya 10 mindən çox Şimali Koreya əsgərinin göndərildiyini bildirmişdilər. Pxenyan həmçinin 10 min konteynerdən çox artilleriya mərmisi və tank əleyhinə raketlər, həmçinin avtomatik haubitsa və reaktiv yaylım atəşi sistemləri göndərmişdi. Nə Şimali Koreya, nə də Rusiya qoşunların yerləşdirilməsini və ya silah göndərilməsini rəsmi olaraq tanımayıb.
Ukrayna ordusunun yüksək rütbəli komandiri bildirib ki, Rusiya Kursk bölgəsində Şimali Koreya qüvvələrindən ciddi şəkildə istifadə edir və bu qüvvələr əhəmiyyətli itkilər verir. Rusiya prezidenti Vladimir Putin iyun ayında Pxenyana səfər edib və Şimali Koreya lideri Kim Çen In ilə qarşılıqlı müdafiə paktını ehtiva edən “hərtərəfli strateji tərəfdaşlıq” sazişi imzalayıb.
