Alimlər ilk dəfə olaraq, yalançı vakuum çürüməsi kimi tanınan kainatın fəlakətli dağılması prosesini simulyasiya etmək üçün kvant kompüterindən istifadə ediblər.
Publika.az xəbər verir ki, bu barədə “Nature Physics” yazıb.
Jurnalda dərc olunan məqaləyə görə, bütün kainatı təhdid edən prosesi öyrənmək üçün 5564 kubitlik kvant sistemindən istifadə edilib.
“D-Wave” kvant kompüterindən istifadə edərək tədqiqatçılar kainatın sadələşdirilmiş modelini qurublar.
Bir fərziyyəyə görə, kosmik vakuum qeyri-sabit vəziyyətdə ola və işıq sürəti ilə parçalanaraq yolunda olan hər şeyi məhv edəcək "əsl" vakuum qabarcığı əmələ gətirə bilər.
