Şimali Egeydə dənizin çəkilməsi nəticəsində 2500 illik tarixi limanın xarabalıqları üzə çıxıb.
Hafta.az-ın yazdığına görə, Türkiyənin Balıkəsir şəhərinin Burhaniyə rayonunda yerləşən Adramitteion antik şəhərinin liman xarabalıqları dənizin təxminən 40 metr çəkilməsindən sonra görünməyə başlayıb.
Dəniz çəkildiyi üçün Burhaniyənin İskele rayonundakı çimərlikdə kiçik adalar əmələ gəlib.
Adramitteion antik şəhəri Burhaniye mahalı yaxınlığında, Örən rayonunda yerləşir. Lakin bu qədim şəhər e.ə. VI əsrdə əsasının qoyulduğu təxmin edilir. Qədim dövrlərdə əhəmiyyətli liman və ticarət mərkəzi olan şəhərin adını Lidiya kralı Alyattesin oğlu Adramitteusdan aldığı düşünülür.
Anadolunun ən yaxşı qorunan qədim limanlarından olan Adramitteion antik şəhərinin xarabalıqları su altında dayaz ərazidə yerləşir. Sənədləşdirmə araşdırmalarına görə, limanda eramızdan əvvəl IV əsrə aid bloklar da müəyyən edilib. Digər tərəfdən, qorunub saxlanılmış vəziyyətdə olan qədim liman, Roma dövrünə aid fazasının təfərrüatlarını ehtiva edir. Dalğacının gövdəsi bir-birindən 8 metr məsafədə izodomik (Ellenistik hörgü) quruluşda tikilmiş iki paralel əsas divardan və bu divarları perpendikulyar şəkildə kəsmək üçün yerləşdirilmiş dayaq divarından ibarətdir.
