Qırğızıstanın paytaxtı Bişkekdə Milli Ürək Cərrahiyyəsi və Orqan Transplantasiyası İnstitutunda baş verən yanğın nəticəsində 2 nəfər həlak olub.
Publika.az xəbər verir ki, bu barədə Qırğızıstan Fövqəladə Hallar Nazirliyi məlumat yayıb.
Bildirilib ki, axşam saatlarında başlayan yanğın 6 yanğınsöndürmə qrupu, 3 yanğınsöndürmə maşınının müdaxiləsi ilə söndürülüb.
Xəstəxanadan təxliyə edilən 260 nəfərdən 216-nın xəstə, 44-nün tibb işçisi olduğu qeyd olunub.
İlkin məlumata görə, yanğın xəstəxana binasının zirzəmisində baş verib və havalandırma bölmələrindən bütün mərtəbələrə yayılıb.
