Misirin müdafiə naziri Əbdülməcid Sakr “Üçüncü Səhra Ordusunun üzvlərini silahlı qüvvələrin müxtəlif şərtlər altında onlara verilən tapşırıq və vəzifələri yerinə yetirə bilməsi üçün döyüş hazırlığını ən yüksək səviyyədə saxlamağa”, – çağırıb.
Misir Ordusunun sözçüsü polkovnik Qərib Əbdül Hafiz tərəfindən verilən açıqlamada, Üçüncü Səhra Ordusu Səfərbərlik Komandanlıq Mərkəzləri Layihəsinin əsas mərhələsində müdafiə naziri Sakr və Baş Qərargah rəisi general-leytenant Əhməd Fethi İbrahim Xəlifə ilə bir çox komandanın iştirak etdiyi bildirilib.
Məlumatda bildirilir ki, silahlı qüvvələrin birləşmə və hissələrinin döyüş hazırlığı planı çərçivəsində həyata keçirilən əsas mərhələ bir neçə gün davam edib, lakin təlimin yeri və müddəti ilə bağlı dəqiq məlumat verilməyib.
Açıqlamada Misirin müdafiə naziri Sakrın layihənin əsas mərhələsini izlədiyi və bu müddət ərzində Üçüncü Səhra Ordusunun üzvlərinə döyüş hazırlığını ən yüksək səviyyədə saxlamağı tapşırdığı qeyd edilib.
Sakrın layihə üzərində işləyən bəzi iştirakçılarla görüşdüyü, onların vəzifələrini necə yerinə yetirə biləcəklərini və əməliyyatların idarə edilməsi zamanı qarşılaşa biləcək gözlənilməz vəziyyətlərlə mübarizə aparmaq üçün ən uyğun qərarları necə qəbul edə biləcəklərini müzakirə etdiyi bildirilib.
Misirin müdafiə nazirindən sitat gətirilib ki, “Üçüncü Səhra Ordusunun üzvləri silahlı qüvvələr bütün şəraitdə onlara həvalə edilmiş vəzifə və öhdəlikləri yerinə yetirə bilməsi üçün döyüş hazırlığını ən yüksək səviyyədə saxlamalıdırlar”.
Misirin Üçüncü Səhra Ordusunun ən mühüm vəzifələrinə ölkənin Sinay yarımadası və Qəzza zolağı ilə sərhədlərinin təhlükəsizliyini təmin etmək daxildir.
