Rusiya təxminən beş il ərzində Avropada ABŞ-ın müdaxilə etməyəcəyi genişmiqyaslı müharibəyə hazırlaşa bilər. Bu barədə Danimarka hərbi kəşfiyyatı məlumat yayıb.
Sənəddə deyilir ki, Moskva həmçinin təxminən altı ay ərzində Rusiya ilə həmsərhəd olan ölkədə lokal müharibə apara biləcək. Danimarka kəşfiyyatçıları Rusiyanın Ukraynada və başqa yerlərdə eyni vaxtda hərbi əməliyyatlar keçirməsini “mümkün olmayan” adlandırıblar.
Bundan əlavə, xüsusi xidmət orqanları Rusiyanın Qrenlandiya və ya Farer adalarına hücum etmə ehtimalının az olduğunu düşünür.
Fevralın əvvəlində NATO-nun baş katibi Mark Rutte Avropa ölkələrini müdafiə xərclərini artırmağa və bundan qaçmaq üçün müharibəyə hazırlaşmağa çağırıb. O, Berlinə hərbi sənaye və müdafiə sahələrində "daha çox xərcləməyi və daha çox istehsal etməyi" tövsiyə etdi. Onun sözlərinə görə, bu məsələ yaxın aylarda bir çox Avropa ölkələrində müzakirə mövzusu olacaq.
2024-cü il dekabrın sonunda Rusiyanın müdafiə naziri Andrey Belousov departamentin NATO ilə mümkün hərbi münaqişəyə tam hazır olmaq üçün çalışdığını bildirib. Müdafiə naziri qeyd edib ki, yaxın onillikdə Şimali Atlantika Alyansı ilə münaqişə mümkündür. Onun sözlərinə görə, bunu NATO sammitində qəbul edilən qərarlar və doktrinal sənədlər göstərir.
Əziz Mustafa, Oxuməni.az
