Övladlarını çöpçüyə aparan valideynlərə səslənirik ki, uşaqlarının həyatını təhlükəyə atmasınlar, uşaqların sağlamlığını peşəkar mütəxəssislərə etibar etsinlər.
APA xəbər verir ki, bunu K.Y. Fərəcova adına Elmi-Tədqiqat Pediatriya İnstitutunun Uşaq Cərrahlığı şöbəsinin direktoru, uşaq cərrahı Umud Musayev deyib.
Cərrah qeyd edib ki, sadəcə çöpçüyə inanan valideynlərin uşağının "çöpü qalır".
"Biz çöpçüyə aparılandan sonra ağırlaşmaları çox görürük. Övladlarını çöpçüyə aparan valideynlərə səslənirik ki, övladlarının həyatını təhlükəyə atmasınlar, uşaqların sağlamlığını peşəkar mütəxəssislərə etibar etsinlər", - deyə cərrah əlavə edib.
