Yunanıstan parlamenti namizədliyi Baş nazir Kiriakos Mitsotakis tərəfindən irəli sürülən parlamentin keçmiş sədri Kostas (Konstantinos) Tasulası ölkə prezidenti seçib. Oxuməni.az-ın “TASS”-a istinadən verdiyi məlumata görə, bunu ölkənin əsas qanunverici orqanında keçirilən səsvermənin dördüncü turunun nəticələri sübut edir.
Yanvarın 25 və 31-də və fevralın 6-da keçirilən səsvermənin ilk üç turu uğursuz olub. Səsvermənin birinci və ikinci turunda Yunanıstan prezidentinin seçilməsi üçün üçdə iki səs çoxluğu (300 yerlik parlamentdə 200 səs), üçüncüdə isə beşdə üç səs çoxluğu (180 səs) tələb olunurdu. Hər üç turda 160 parlamentari Tasulasa səs verib. Dördüncü turda prezident 151 səs çoxluğu ilə seçilir. Tasulasın namizədliyini irəli sürmüş hakim Yeni Demokratiya partiyasının ali qanunverici orqanda 156 deputatı var.
Dördüncü turda həm hakim partiyadan, həm də müstəqil namizədlərdən 160 deputat Tasulasa səs verib, 39 deputat isə bitərəf qalıb. Yalnız 276 deputat səs verib.
Hazırkı dövlət başçısı Katerina Sakelaropoulounun beş illik səlahiyyət müddəti martın 13-də başa çatır. Yeni prezidentin andiçmə mərasimi martın 13-də baş tutacaq.
Yunanıstanda prezident vəzifəsi əsasən təntənə xarakteri daşıyır.
Oxuməni.az
