Azərbaycan millisinin baş məşqçisi Fernandu Santuş Yunanıstanda xüsusi mükafata layiq görülüb.
QOL.az xəbər verir ki, o, "Əfsanə" mükafatına layiq görülüb. Portuqaliyalı məşqçiyə mükafatı Yunanıstan millisinin sabiq futbolçusu Demis Nikolaidis təqdim edib.
Qeyd edək ki, Fernandu Santuş 2010-2014-cü illərdə Yunanıstan yığmasını çalışdırıb. Milli komanda onun rəhbərliyi altında DÇ-2014-ə vəsiqə qazanıb. Mütəxəssis sözügedən ölkənin AEK, "Panatinaikos" və PAOK klublarını da çalışdırıb.
