Bu fikirləri Siyasi elmlər üzrə fəlsəfə doktoru, politoloq Şəbnən Həsənova Olaylar.az-a açıqlamasında bildirib:
"Azərbaycanın illər ərzində yürütdüyü siyasətin nəticəsidir ki, biz bu gün Cənubi Qafqaz, Xəzər regionunda aparıcı yerdəyik. Baxmayaraq ki, dünya xəritəsində yerimiz nisbətən yenidir şaxələndirilmiş xarici siyasət konsepsiyasımızın ayaq səsləri dünyanın müxtəlif regionlarından eşidilir.
İllər ərzində beynəlxalq təşkilatların qeyri-effektlivliyi, kağız üzərində qalan bəyanatların, boş söz yığınının şahidi olduqsa, indi artıq bunlar keçmişə qovuşub. İstər Şanxay Əməkdaşlıq Təşkilatı, istərsə də BRICS ölkələri ilə dividentlər vəd edən müsbət əməkdaşlıq mövcuddur. Əsas məsələlərdən biri odur ki, Azərbaycan heç kimin daxili işlərinə qarışmır, tələbimiz də bizim daxili işlərimizə qarışılmamasıdır. Bu isə asan olmayan bir mərhələnin nəticəsidir. Özünü təmin edən, güclü iqtisadiyyat bu hədəfə çatmağımıza əsas verdi. Siyasətimizdə əməkdaşlığa, dostluğa söykənən münasibətlərə üstünlük veririk.
Azərbaycan və Çin strateji tərəfdaş ölkələrdir. Müasir nəqliyyat strukturunun inkişafı, "Bir kəmər, bir yol" təşəbbüsü iqtisadi rıçaqlarla doludur. Siyasətimiz isə ətalətdə deyil, daim işləkdir. Belə ki, gəlirləri yeni sahələrə yönəldirik. Yaşıl texnologiya və yaşıl enerji sahəsinə yatırılan investisiyalar bunun əyani sübutudur.
Cəmiyyət daxilində stabillik yaratmağın, milli maraqlarımızı, həyat tərzimizi və müstəqil siyasətimizi qəti şəkildə müdafiə etməyin nəticəsidir ki, dünyada müsbət sima qazana bilmişik. Bir sözlə, 17 ildə verilən vədlər yerinə yetirildi".
Zeynəb Rzayeva
