ABŞ-nin San Dieqo şəhərində donanmaya məxsus EA-18G Growler döyüş təyyarəsi dənizə düşüb.
Medianews.az xəbər verir ki, qəzaya uğrayan təyyarədə olan iki pilot katapult edərək xilas olub.
Qəza anı saniyə-saniyə kameralara əks olunub.
Dənizə düşən təyyarənin ekipajı təhlükəsiz şəkildə sudan çıxarılıb. Sahil Mühafizəsi bildirib ki, pilotlar hadisə yerində ABŞ Gömrük və Sərhəd Mühafizəsi gəmisi tərəfindən xilas edilib və daha sonra xəstəxanaya aparılıb. Hazırda onların vəziyyətinin yaxşı olduğu bildirilib.
Sözügedən qəzanın görüntülərini təqdim edirik.
Medianews.az
