ABŞ-ın Las-Veqas şəhərində faciəli hadisə baş verib. AzPost “News Now”a istinadla xəbər verir ki, palma ağacına dırmaşan gənc orda ölüb. Hadisə insanların yaşadığı ərazidən bir qədər kənarda, Şərq prospekti yaxınlığındakı Şərqi Bonanza yolunun ərazisində baş verib.
Hadisə şahidləri şəxsin huşsuz halda ağacdan asılı vəziyyətdə qaldığını görərək polisə xəbər verib. Əraziyə yanğınsöndürənlər və xilasedicilər gəlib. Xilasedicilər onu ağacdan çıxarsalar da, artıq ölmüş olub.
Xatırladaq ki, son günlərdə bu eyni şəhərdə ikinci hadisədir. Bir gün əvvəl eyni hündürlükdə palma ağacında huşsuz vəziyyətdə tapılan başqa bir adam da kömək gələnə qədər ölüb. Onların ağac kəsənlər olub-olmadığı hələ məlum deyil, lakin son on ildə iki peşəkar palma ağacı kəsən Las-Veqasda oxşar şəraitdə ölüb.
