Fələstinin Həmas qrupu Qəzza zolağında İsraillə atəşkəs razılaşmasına əməl etməyə davam edəcək və həmçinin israilli girovların fələstinli məhbuslarla mübadiləsini bərpa edəcək.
Oxu24.com xəbər verir ki,müvafiq bəyanat HƏMAS-ın Teleqram kanalında onun lideri Xəlil əl-Hay ilə Misir və Qətər nümayəndələri arasında danışıqlardan sonra yayılıb.
“Məsləhətləşmələr müsbət keçib və HƏMAS təsdiq edir ki, sazişin şərtlərini yerinə yetirməkdə davam edir, o cümlədən müəyyən edilmiş müddət ərzində məhbusların (girovların) dəyişdirilməsi prosesinin həyata keçirilməsi”, - deyə TASS-dan sitat gətirilib.
Fevralın 10-da HƏMAS-ın hərbi qanadının sözçüsü Əbu Ubaida fevralın 15-də vətənə dönməli olan yeni girovlar qrupunun azad edilməsinin gecikdirildiyini açıqlayıb.
O, İsrailin “anklavın cənubundan şimala köçkünlərin geri qayıtmasını gecikdirdiyi, Qəzzalılara atəş açdığı və lazımi miqdarda bütün növ humanitar yardımı təmin etmədiyi” zaman sazişin şərtlərini pozduğunu izah edib.
Bunun ardınca İsrailin baş naziri Benyamin Netanyahu, HƏMAS fevralın 15-i günortaya qədər israilli girovları azad etməsə, Qəzzada hərbi əməliyyatları bərpa edəcəyi ilə hədələyib.
ABŞ prezidenti Donald Tramp bildirib ki, Həmas həftənin sonuna qədər bütün girovları azad etməsə, Qəzzada atəşkəs razılaşması ləğv edilməlidir. "Əgər bütün girovlar şənbə günü saat 12-yə qədər qaytarılmasa - məncə, bu, doğru vaxtdır - o zaman deyərdim: [atəşkəsi] ləğv edin və bütün cəhənnəm dağılılsin", - Amerika lideri bildirib.
Nigar
