“Liverpul” İngiltərə Premyer Liqasının 15-ci turdan təxirə salınmış “Everton”la səfər oyununda tarixi ilkə imza atıb.
Arena.az məlumat verir ki, 2:2 hesabı ilə başa çatmış oyuna “qırmızılar” başlanğıc heyətində bir ingilis futbolçu belə, olmadan meydana çıxıblar.
“Opta Sports” statistik internet-portalının təqdim etdiyi məlumata görə, bu hal “Liverpul”un tarixində ilk dəfə yaşanıb.
Niderlanlı mütəxəssis Arne Slotun “Everton”la oyuna buraxdığı başlanğıc heyətini təqdim edirik:
Qapıçı: Alison Beker (Braziliya);
Müdafiəçilər: Endryu Robertson (Şotlandiya), Vircil van Deyk (Niderland), İbraima Konate (Fransa), Konor Bredli (Şimali İrlandiya);
Yarımmüdafiəçilər: Aleksis Makallister (Argentina), Rayan Qravenberx (Niderland), Dominik Soboslai (Macarıstan);
Hücumçular: Kodi Qakpo (Niderland), Məhəmməd Salah (Misir), Luis Dias (Kolumbiya).
24 oyundan 27 xalla “Everton” İngiltərə Premyer Liqasının yarış cədvəlinin 15-ci pilləsində qərarlaşıb. “Liverpul” isə xal itkisinə rəğmən, 57 xalla zirvədəki mövqeyini qoruyub.
