"Çelsi"nin futbolçusu Nikolas Cekson sıradan çıxıb.
QOL.az xəbər verir ki, bu barədə klubun baş məşqçisi Enzo Mareska İngiltərə Premyer Liqasının 25-ci turunda keçiriləcək "Brayton"la matçdan öncə təşkil olunan mətbuat konfransında deyib.
23 yaşlı hücumçu 6-8 həftə ərzində yaşıl meydanlardan uzaq olacaq. Zədənin detalları ilə bağlı məlumat yoxdur.
Qeyd edək ki, Nikolas Cekson bu mövsüm "Çelsi"nin heyətində 24 oyuna çıxaraq 9 qol vurub və 5 qolun ötürməsini edib.
