ABŞ-nin təyyarədaşıyan gəmisi Aralıq dənizində mülki gəmi ilə toqquşdu

  ABŞ-nin "USS Harry Truman" təyyarədaşıyan gəmisi Aralıq dənizində ticarət gəmisi ilə toqquşub.

Referans.azxəbər verir ki, bu barədə Pentaqon bəyanat yayıb.

“USS Harry Truman” təyyarədaşıyan gəmisi fevralın 12-də yerli vaxtla saat 23:46-da Aralıq dənizində Misirin Port-Səid şəhərində olarkən ticarət gəmisi ilə toqquşub ”, - komandanlığın bəyanatında bildirilib.

Hərbi Dəniz Qüvvələrinin məlumatına görə, gəminin hərəkət sistemləri zədələnməyib və stabil vəziyyətdədir. Hadisə ilə bağlı araşdırma aparılır.

Ölən və yaralananlar barədə məlumat verilmir./Teleqraf