"Real Madrid" hücumçusu Vinisius Juniorla müqaviləni uzatmağa ümid edir.
90deqiqe.Az xəbər verir ki,danışıqlar prosesi artıq davam edir və onun çərçivəsində Madrid klubu tələb olunan maaşı öyrənmək üçün futbolçunun nümayəndələri ilə əlaqə saxlayıb. Vinisiusun tərəfi oyunçunun cavabını "Real Madrid"ə çatdırıb və indi klub rəhbərliyinin yekun cavabını gözləyir.
Vinisiusun hazırkı müqaviləsi 2027-ci ilin ortalarına qədərdir. Şərtlərinə görə, braziliyalının maaşı ildən-ilə dəyişir. Vergilər çıxdıqdan sonra orta illik əmək haqqı 15 milyon avrodur. 2024/2025 mövsümündə Vinisius 30 oyun keçirib, 16 qol vurub və komanda yoldaşlarına 12 məhsuldar ötürmə edib.
