Ellada Məmmədli, Müsavat Partiyasının Qadınlar Təşkilatının sədri
ABŞ-nin Dövlət Effektivliyi Departamentinin rəhbəri İlon Mask “AzadlıqRadiosu” və “Amerikanın Səsi” kimi dövlət tərəfindən maliyyələşdirilən media qurumlarının bağlanması ilə bağlı təklifi dəstəkləyib.
Təklifi ABŞ Prezidenti Donald Trampın xüsusi nümayəndəsi, keçmiş Milli Kəşfiyyat İdarəsinin direktoru Riçard Qrenel səsləndirib.
Qrenel bu media resurslarını “dövlət mediası” adlandıraraq, onların “ifrat solçu aktivistlərlə dolu olduğunu” və “keçmişin qalıqları” kimi artıq faydasız olduğunu bildirib.
Onun sözlərinə görə, hər il bu qurumlara ABŞ vergi ödəyicilərinin milyonlarla dolları xərclənir.
İlon Mask isə “X” hesabında bu çağırışa “Hə, bağlayın” cavabını verib:
“Avropa artıq azaddır. Heç kim artıq bu media qurumlarını dinləmir. Onlar sadəcə ifrat solçuların öz aralarında danışdığı və hər il Amerika vergi ödəyicilərinin 1 milyard dollarını yandırdığı qurumlardır”.
Donald Tramp ABŞ Prezidenti kimi fəaliyyətə başlayan kimi milyarder İlon Maskı Hökumətin Səmərəliliyi Departamentinin rəhbəri təyin edib. Bu strukturun il yarım ərzində Amerika hökumətinin səmərəliliyini artıracağı gözlənilir.
Demokratikmusavat.com
