Neft qiymətləri gün ərzindəki minimum səviyyələrdən qalxsa da, qırmızı olaraq qalır.
Finss.az xəbər verir ki, Moskva vaxtı ilə saat 18:20-də Brent markalı aprel fyuçersləri Londonun ICE Futures birjasında bir barel üçün 0,44 dollar (0,59%) ucuzlaşaraq 74,74 dollar olub. Bu vaxta qədər NYMEX birjasında WTI markalı mart fyuçersləri 0,32 dollar (0,45%) ucuzlaşaraq 71,05 dollar/barelə bərabər olub.
Sessiyanın əvvəlində Brent markalı neftin qiyməti dekabrdan bəri ən aşağı göstərici olan 74,06 dollar/barelə, WTI isə 70,22 dollar/barelə enib.
Bazar ABŞ və Rusiya prezidentlərinin Ukrayna münaqişəsinin nizamlanması üzrə danışıqlara başlamaq barədə razılığa gəlməsi ilə bağlı məlumatları dəyərləndirir. Treyderlər hesab edir ki, regionda normallaşma Rusiya neft sənayesinə qarşı sanksiyaların yumşaldılmasına gətirib çıxara bilər.
