Ukrayna münaqişəsinin həlli ilə bağlı təmaslar gələn həftə Səudiyyə Ərəbistanında baş tutacaq.
Yenisabah.az xəbər verir ki, bunu ABŞ Prezidenti Donald Tramp Ağ Evdə Hindistanın baş naziri Narendra Modi ilə danışıqlardan əvvəl deyib.
“Sabah Münhendə görüş olacaq, gələn həftə isə Səudiyyə Ərəbistanında mənimlə və ya Rusiya prezidenti Vladimir Putinlə deyil, yüksək vəzifəli məmurlarla görüş olacaq. Ukrayna da iştirak edəcək”, - deyə dövlət başçısı bildirib.
O, ABŞ-ın Ukrayna münaqişəsinə son qoymaq istədiyini təsdiqləyib.
Tramp bundan əvvəl Rusiya və ABŞ rəsmilərinin fevralın 14-də Münhen Təhlükəsizlik Konfransı çərçivəsində Ukrayna münaqişəsi ilə bağlı danışıqlar aparacağını bildirmişdi. O, həmçinin Səudiyyə Ərəbistanında Putinlə görüşməyi gözlədiyini təsdiqləyib.
Telegram kanalımız
