AZ
Mövzular
Siyasət
14.02.2025 ◦ 10:37

İsrail HƏMAS-dan azad ediləcək girovların siyahısını istəyir

İsrail Fələstinin HƏMAS hərəkatının azad ediləcək üç girovun siyahısını təqdim edəcəyini gözləyir.   Manset.az xəbər verir ki, bu barədə İsrail rəsmisinə istinadən "The Jerusalem Post"  məlumat yayıb . Onun sözlərinə görə, hökumətin başçısı, Qətərin xarici işlər naziri Məhəmməd bin Əbdül Rəhman Əl Taninin bu siyahını İsrail kəşfiyyat xidmətinin rəhbəri Mossad David Barneaya göndərəcəyi gözlənilir. Qəzet qeyd edir ki, girovlar həftəsonu azad edilərsə, atəşkəsi təhdid edən böhranın həll olunacağı gözlənilir. Fevralın 10-da HƏMAS-ın hərbi qanadının sözçüsü Əbu Ubaida Qəzzada saxlanılan və fevralın 15-də vətənə dönməli olan yeni girov qrupunun azad edilməsinin gecikdirildiyini açıqlayıb.

Yanvarın 15-də Qətərin hökumət başçısı və Xarici İşlər Naziri Məhəmməd bin Əbdül Rəhman Əl Tani bəyan edib ki, İsrail və HƏMAS Doha, Qahirə və Vaşinqtonun vasitəçilik səyləri nəticəsində Qəzzada saxlanılan girovların azad edilməsi və anklavda atəşkəs rejiminin tətbiqi ilə bağlı razılığa gəliblər. Üç mərhələni əhatə edən saziş yanvarın 19-dan qüvvəyə minib. Razılaşmalara əsasən, sazişin birinci mərhələsinin icrası 42 gün davam edəcək və bu müddət ərzində HƏMAS İsrail həbsxanalarında saxlanılan fələstinli məhbusların müqabilində azı 33 israilli girovu azad etməlidir. Girovların azad edilməsinin son mərhələsi fevralın 8-də baş tutub: üç israilli Qəzzadan evlərinə qayıdıb, onlardan biri də Almaniya vətəndaşıdır. Bunun müqabilində İsrail 180-dən çox fələstinli məhbusu həbsdən azad edib. 

Seçilən
0
2
manset.az

3Mənbələr