"Artıq bələdiyyələrin birləşməsi prosesi baş tutub. Bələdiyyələrin azalması prosesi 57 faiz azalıb". SİA xəbər verir ki, bu sözləri Milli Məclisin plenar iclası zamanı deputat Kamran Bayramov deyib.
Onun sözlərinə görə, seçkilər nəticəsində bələdiyyələrin tərkibi təkmilləşdirildi: "Bələdiyyələr bundan sonra öz fəaliyyətlərini ölkənin quruluşuna uyğun quracaqlar. Bu sahədə də dövlət büdcəsindən ayrılan vəsait artırılıb. Dövlət tərəfindən ayrılan subsensiyaların artırılmasını görürük. Bələdiyyələrin bu gün üzləşdiyi məsələlərdən əsası onların mülkiyyət sənədinin olmamasıdır. Belə olarsa, onların torpaq üzərində sərbəst sərəncam vermək hüquqları olacaq.
Əsas məsələlərdən biri də sənədsiz evlərin mövcudluğudur, qanunsuz tikililər var. Vətəndaşlara mülkiyyət sənədlərinin verilməsi mümkün deyil. Bir milyon sənədsiz ev var. Sənədsiz evlər sənədləşirsə, iqtisadiyyat inkişaf edəcək, siğorta məsələləri vətəndaşlarımız üçün də rahat həll olunacaq. Sənədsiz evlərin sahibləri üçün sərəncam vermək hüququ məhdudlaşır. Bu tədbirlər davam etdiriləcək".
