Audiovizual Şura sosial şəbəkələrin fəaliyyətinə müdaxilə edə bilməz.
“Report” xəbər verir ki, bunu Audiovizual Şuranın sədri İsmət Səttarov fevralın 14-də keçirdiyi brifinqdə deyib.
Onun sözlərinə görə, hazırda beynəlxalq təcrübə öyrənilir:
“Bu məsələdə əsasən valideynlərin nəzarəti olmalıdır. Biz verilişlərə yaş məhdudiyyətləri ilə bağlı nişanlar qoyuruq, amma valideynlər uşaqların nəyə baxdığına diqqət etməlidirlər".
İ.Səttarov bildirib ki, Azərbaycan bəzi beynəlxalq platformalarla danışıqlar aparır:
"Amma müsbət nəticələr əldə olunması üçün uzun zaman tələb olunur”.
