Rusiya gecə saatlarında PUA-larla Çernobıl Atom Elektrik Stansiyasına hücum edib.
Söz.az xarici KİV-ə istinadən xəbər verir ki, bu barədə Ukrayna prezidenti Vladimir Zelenski sosial media hesabında məlumat verib.
Hücumun radiasiya sığınacağına ciddi ziyan vurduğunu iddia edən Zelenskinin sözlərinə görə, hücum zamanı stansiyanın dağıdılmış 4-cü reaktorunu qoruyan struktur zədələnib.
Zelenski hücumun yanğına səbəb olduğunu, lakin artıq söndürüldüyünü və hücuma baxmayaraq, radiasiya səviyyəsinin bu səhərə qədər artmadığını bildirib.
