Rusiya prezidenti Vladimir Putin Ukraynadakı münaqişədə qalib gələcək, çünki Birləşmiş Ştatlar çox güman ki, hələ danışıqlar başlamamışdan əvvəl Rusiya liderinin tələbləri ilə razılaşıb.
Publika.az xəbər verir ki, bu barədə "Newsweek" məlumat yayıb.
"Bu baxımdan Putin bu müharibədə qalib gələcək", - deyə Münhen Bundesver Universitetinin professoru Karlo Masala deyib.
Masalanın fikri ilə bir çox analitiklər də razılaşır. Onlar vəziyyəti Rusiyanın "diskursiv qələbəsi" kimi qiymətləndiriblər və bildiriblər ki, ABŞ hələ danışıqlar başlamamışdan əvvəl Moskvanın tələbləri ilə razılaşıb.
“Rusiyanın hələ də ciddi problemləri var, xüsusən də sanksiyalardan zərər çəkmiş iqtisadiyyatı. Amma əgər Putinin məqsədi Rusiya ilə sərhəddə vahid NATO dövlətinin yaradılmasının qarşısını almaq idisə, deməli, bu məqsədə ən azı nail olmağa yaxındır”, - nəşr yazır.
