İstanbulun Büyükçekmece rayonunda dayanacaqdan çıxarkən arxadan gələn qadını yüngülcə vuran avtomobildə olan 60 yaşlı Numan Kol 2 nəfər tərəfindən döyülüb.
Milli.Az Türkiyə mediasına istinadən xəbər verir ki, sillələrin təsirindən möhkəm yerə yıxılan şəxsin infarktdan öldüyü iddia edilir. Çaxnaşmaya qapılan qətl şübhəlisi Kol ürək masajı ilə canlandırmağa çalışıb.
Hadisənin baş verməsinə gəldikdə isə Numan Kol və qardaşı oğlu Reşat Akkol Beykent Metrobus Stansiyasının yanındakı yanacaqdoldurma məntəqəsində yerləşən şirniyyatçıya daxil olublar. Buradan çıxmaq üçün maşına minən Kol avtomobili geri manevr etdirərkən Şevval K. adlı qadını yüngülcə vurub.
Vəziyyətdən qəzəblənən qadının qohumu N.Y. O nəqliyyat vasitəsinin sərnişin oturacağında əyləşən Numan Kolun pəncərəsini yumruqla vurub, sakitləşmək üçün aşağı enən Kola sillə vurub. Aldığı sillələrin təsirindən Kol yerə yıxılıb.
Numan Kola hücum edən N.Y. O, çaxnaşma içində infarkt keçirdiyi iddia edilən Kola ürək masajı edib. Hadisə yerinə çağırılan təcili yardımla Beylikdüzüdəki xüsusi xəstəxanaya aparılan Kol bütün müdaxilələrə baxmayaraq dünyasını dəyişib. N.Y. ilə dava edən H.Y O polis tərəfindən saxlanılıb. Ədliyyəyə sövq edilən şübhəlilərdən biri N.Y. O həbs olunarkən, H.Y. O məhkəmə nəzarəti şərti ilə azadlığa buraxılıb.
Kolun aldığı zərbələr nəticəsində infarkt keçirdiyi iddia edilsə də, dəqiq ölüm səbəbi Ədliyyə Tibb Qurumunda aparılacaq yarılmadan sonra müəyyənləşəcək. Kolun məmləkəti Trabzonda torpağa tapşırılacağı öyrənilib. Meyiti toplamaq üçün Ədliyyə Tibb Qurumunda gözləyən qohumu Rəcəb Kol "Təcili yardımda ürək masajı edilir, faydası olmur, ölür. Ölümün səbəbi infarkt və ya hücum ola bilər" deyib.
Musa
Milli.Az
Məqaləyə dair fotomateriallar:
