Böyük Britaniya və Fransa da daxil olmaqla bir qrup Avropa ölkəsi Ukraynaya qoşun yeritmək planı üzərində işləyir. Bu barədə Amerikanın Associated Press agentliyi yazır.
“ABŞ-ın təhlükəsizlik prioritetlərinin başqa yerlərdə olmasından getdikcə daha çox narahat olan bir qrup Avropa ölkəsi, Rusiya ilə gələcəkdə istənilən sülh nizamlanmasına kömək etmək üçün Ukraynaya qoşun göndərmək planı üzərində sakitcə işləyir. Təfərrüatlar az olsa da, Britaniya və Fransa səylərin önündədir”, - nəşr yazır.
Qeyd olunur ki, “müzakirələrdə iştirak edən ölkələr Rusiya prezidenti Vladimir Putin 3 il əvvəl başladığı müharibəyə son qoymaq üçün danışıqlara razılıq verərsə, kartlarını göstərmək və ona üstünlük vermək istəmirlər”.
Böyük Britaniyanın baş naziri Kir Starmer deyib: "Mən imkanların spesifikliyinə varmayacağam, lakin razıyam ki, sülhün olması üçün Ukrayna üçün müəyyən təhlükəsizlik təminatları olmalıdır və Böyük Britaniya da bunda rol oynayacaq".
S.ELAY
XQ
