Alimlər yüklü hissəcikləri rekord həddə - 360 000 km/saata sürətləndirə bilən qurğu təqdim ediblər. Rusiya kosmik tədqiqatların gələcəyini dəyişdirmək potensialına malik olan innovativ raket mühərrikini nümayiş etdirməklə əhəmiyyətli texnoloji irəliləyiş əldə edib.
SİA-nın məlumatına görə, bu yeni texnologiya Marsa səyahət vaxtını əhəmiyyətli dərəcədə azaldacaq və ekipajın daha çox təhlükəsizliyini təmin edəcək.Ənənəvi raket sistemlərindən fərqli olaraq, Rusiya sistemi enerji istehsal etmək üçün nüvə reaktorundan istifadə edərək plazma-elektrik prinsipi ilə işləyir.
Mütəxəssislər həm mülki, həm də hərbi məqsədlər üçün istifadə oluna bilən texnologiyanın universallığını vurğulayırlar.
İlk işləyən prototipin 2030-cu ilə qədər hazır olacağı gözlənilir və onun hazırlanmasına “Rosatom” dövlət korporasiyasının bir hissəsi olan Troitsk İnnovasiya və Termonüvə Tədqiqatları İnstitutu (TRINITI) nəzarət edir.
Təkmilləşdirilmiş maqnit-plazma sürətləndiricisi əsasında yaradılmış prototip ən azı 6 N təkan gücünə və 300 kVt orta gücə malik olacaq ki, bu da kimyəvi raketlərlə müqayisədə böyük üstünlük təmin edir.
Nazlı Almuradova
