İsrail hərbçiləri son br neçə gün ərzində işğal altındakı İordan çayının qərb sahilindəki Nablus şəhərində ard-arda əməliyyatlar keçirir.
Mia.az xarici mətbuata istinadla xəbər verir ki, ötən gün üç istiqamətdən şəhərə girən İsrail hərbçiləri 6 saat çəkən toqquşmadan sonra geri çəkilsə də, bu gün sübh tezdən də yenidən ani hücumla şəhərə giriblər.
Məlumata görə, İsrail ordusunun xüsusi təyinatlı qüvvələrinin bu hücumu zamanı da toqquşma olub: "Burada bir evi mühasirəyə alan İsrail qüvvələri ilə fələstinli gənclər arasında toqquşma olub. Nəticədə biri ağır olmaqla 7 nəfər yaralanıb. Onlar Nablusdakı Rafidiya xəstəxanasına yerləşdiriliblər".
Fələstin Qızıl Aypara Cəmiyyətindən isə bildirilib ki yaralananlar arasında 60 yaşlı bir kişi də var: "Qalanları gənclərdir".
Tahir Şəlvəli
MİA.AZ
