Bakı, TurkicWorld
Ölkəsini xilas edən şəxs heç bir qanun pozmaz.
TurkicWorld AzerVoice -ə istinadən xəbər verir ki, ABŞ Prezidenti Donald Tramp, onun icra hakimiyyətinə qoyulan hüquqi məhdudiyyətlərə qarşı dirənişini davam etdirərək Fransa imperatoru Napolyon Bonapartın məşhur sözünü paylaşıb.
Trampın X (keçmiş Twitter) və Truth Social platformalarında paylaşdığı bu ifadə Demokratların sərt reaksiyası ilə qarşılanıb.
Bunun provokativ bir bəyanat olduğu güman edilir və hüquq komandasının bütün səylərinə baxmayaraq , Trampın radikal fikirləri tez- tez sosial şəbəkələrdə müzakirə mövzusu olur
Qeyd edək ki, Üç həftə əvvəl ikinci dəfə prezident vəzifəsinə başlayan Donald Trampın idarəetmə üslubu tənqidlərə səbəb olur. Onu “hakimiyyətdən sui-istifadə” etməkdə günahlandıranlar var.
Ağ Evdən verilən açıqlamada, bəzi hakimlər Trampın fərmanlarını əngəlləməyə çalışdıqları üçün “səlahiyyətlərindən sui-istifadə etməkdə” ittiham olunub.
Bununla yanaşı, Trampın müşavirləri sosial media vasitəsilə hakimlərə qarşı çıxış edərək, onların vəzifədən uzaqlaşdırılmasını tələb ediblər.
