İsrail ordusu işğal altındakı İordan çayının qərb sahilində fələstinlilərə qarşı basqınlarını və həbslərini davam etdirir.
Turkustan.az xəbər verir ki, hadisə şahidlərindən əldə edilən məlumata görə, İsrail əsgərləri müxtəlif nöqtələrdən Nablus şəhərinə basqın edərək fələstinlilərin evlərində axtarış aparıblar.
Basqını Nablusun Köhnə Şəhər bölgəsinə cəmləyən İsrail əsgərləri bölgədən çəkilməzdən əvvəl fələstinlilərə məxsus avtomobili ələ keçirib.
Digər tərəfdən Fələstin torpaqlarını ələ keçirən israillilər səhər saatlarında Nablusun cənubundakı Duma və Juriş qəsəbələrinə hücum edib.
İsraillilər fələstinlilərin evlərinə və avtomobillərinə daş ataraq, Fələstinin əmlakına ziyan vurublar.
Bu arada İsrail ordusu İordan çayının qərb sahilinin şimalındakı Cenin şəhəri və qaçqın düşərgəsinə 28-ci, Tülkərim şəhəri və düşərgəsinə 22-ci, Nur Şəms Qaçqınlar Düşərgəsinə isə 10-cu gündür hücumlarını davam etdirir.
Dünən İsrail ordusunun Nablus şəhərinə basqını zamanı 4-ü qoca və uşaq olmaqla 14 fələstinli yaralanıb.
Aytən Yaşar/ Turkustan.az
