İtaliyanın Siciliya adasındakı aktiv Etna vulkanının külünün püskürməsinin hava nəqliyyatında problemlərə səbəb olduğu bildirilib.Kataniya Beynəlxalq Vincenzo Bellini Hava Limanını idarə edən SAC şirkətinin səhər saatlarında yaydığı açıqlamada Etnada davam edən püskürmə və eyni vaxtda atmosferə vulkanik kül atması səbəbiylə vulkanın cənub-qərbindəki hava sahəsinin yerli vaxtla saat 15:00-a qədər uçuşlara bağlandığı bildirilib.Açıqlamada qeyd olunub ki, hazırda Kataniya hava limanından uçan reyslərə heç bir məhdudiyyət yoxdur, lakin sərnişinlərdən uçuşların vəziyyətini yoxlamadan hava limanına gəlməmələri xahiş olunur.İtaliyanın "Rainews24" kanalının xəbərində Etna dağında bir həftədən artıqdır davam edən sıx vulkanik fəaliyyətlər səbəbiylə xüsusilə dünən hava nəqliyyatının mənfi təsirləndiyi bildirilib.Son 24 saatda Kataniya Hava Limanından 32 uçuşun başqa hava limanlarına yönləndirildiyi, Lufthansa və Easyjet kimi hava yollarının da Kataniyaya uçuşlarının bir qismini ləğv etdiyi bildirilib.Bu arada Etnanın püskürdüyü sıx kül səbəbindən vulkanın ətrafındakı yaşayış məntəqələrində vulkanik kül yağışlarının yaşandığı qeyd edilib.Son 8 gün ərzində Etna vulkanında müxtəlif nöqtələrdə lava axını, "Yeni Ağız" və "Cənub-Şərq" kraterlərində kül və lava püskürməsi kimi müxtəlif vulkanik fəaliyyətlər müşahidə edilib.Kontinental Avropanın ən yüksək aktiv vulkanı olan Siciliya adasındakı Etna dağında sonuncu dəfə 2024-cü ilin yay aylarında şiddətli kül və lava püskürməsi kimi vulkanik fəaliyyətlər qeydə alınıb.
