ABŞ və digər NATO müttəfiqləri Ukraynada davamlı sülhə nail olmaq üçün birlikdə çalışacaqlar. Metbuat.az xəbər verir ki, NATO-nun baş katibi Mark Rutte belə açıqlama verib. Rutte NATO-nun Brüsseldəki mənzil-qərargahında ABŞ-nin Ukrayna və Rusiya üzrə xüsusi nümayəndəsi Keyt Kelloq ilə görüşüb. Görüşlə bağlı sosial media hesabında paylaşım edən Rutte, Kelloqunun NATO müttəfiqləri ilə Ukraynada ədalətli və davamlı sülhə nail olmaq üçün birgə işləmək mövzusunda məsləhətləşdiyini bildirib. Rutte, “Bizim görəcəyimiz çox iş var. Müharibəyə son qoymaq və hamımız üçün davamlı təhlükəsizliyə nail olmaq üçün yaxından əməkdaşlıq edəcəyik", - deyə bildirib. Qeyd edək ki, Keyt Kelloqun AB Komissiyasının sədri Ursula fon der Leyen ilə planlaşdırılan görüşü fon der Leyenin Parisdə keçirilən fövqəladə Ukrayna sammitində iştirakı səbəbindən ləğv edilib.
