İsrail fevralın 22-də Qəzzada atəşkəs razılaşmasında nəzərdə tutulan üç girovun əvəzinə altı nəfəri azad etməyə çalışır.
“Report” xəbər verir ki, bu barədə “Ynet” portalı məlumat yayıb.
Bundan əlavə, İsrail HƏMAS-ın əlində olan bir neçə girovun meyitini qəbul etməyə hazırlaşır.
Qeyd olunur ki, şəxsiyyətin müəyyən edilməsi proseduruna kifayət qədər vaxt ayrılması üçün qalıqlar şənbə günündən iki gün əvvəl İsrailə aparılacaq.
