Aşan təyyarədəki sərnişinlər möcüzəvi xilasetməni təsvir edir
Son həftələr müxtəlif ölkələrdə baş verən təyyarə qəzalarının ardıcıllığına yenisi əlavə edilib. ABŞ-ın Minneapolis şəhərindən Kanadanın Toronto şəhərinə uçan “Delta Air Lines” aviaşirkətinə məxsus sərnişin təyyarəsi Toronto Pearson Beynəlxalq Hava Limanına endikdən sonra aşıb. Möcüzəvi şəkildə insan itkisinin olmadığı qəzanı təyyarədə olan sərnişinlər təsvir ediblər.
Sherg.az xəbər verir ki, ABŞ-ın Minneapolis şəhərindən Kanadanın Toronto şəhərinə uçan “Delta Air Lines” aviaşirkətinə məxsus sərnişin təyyarəsi Toronto Pearson Beynəlxalq Hava Limanına endikdən sonra tərs çevrilib.
Qəzada möcüzə nəticəsində ölən olmasa da, 18 nəfər yaralanıb. Təyyarədə 4 ekipaj üzvü və 76 sərnişin olub.
Biri uşaq olmaqla 3 nəfərin ağır yaralandığı bildirilir.
Təyyarədə xətərsiz ötüşən sərnişinlər həmin anları təsvir ediblər.
Sərnişinlərdən Con Nelson deyir: “Təyyarəmiz qəzaya uğradı. Başıaşağı dururdu”.
Nelson qəzadan qısa müddət sonra Facebook-da paylaşdığı videoda "İnsanların çoxu yaxşı görünür. Hamımız düşürük” deyib.
Daha sonra o, "CNN İnternational"-a bildirib ki, enişdən əvvəl qeyri-adi bir şeyin baş verdiyinə dair heç bir əlamət olmayıb.
"Biz yan üstə uzandıq, sonra kürəyimizə yuvarlandıq" deyir Nelson. “Təyyarənin sol tərəfində böyük bir atəş topu var idi”, o əlavə edib.
Sərnişinlər oturacaqlarında başıaşağı vəziyyətdə qalıblar.
Təyyarədə olan Peter Koukov CNN-ə deyib: "Biz yarasalar kimi başıaşağı asılmışdıq".
Nelson, kəmərini açaraq özünü yerə sərdiyini söyləyir: “Bəzi insanlar asılı vəziyyətdə idi və kömək istəyirdi. Bəziləri özləri enə bildilər”.
Sosial şəbəkələrdə paylaşılan videogörüntülərdə yanğınsöndürənlərin köpük səpməsi zamanı insanların aşmış təyyarədən necə çıxdıqları əks olunub.
Sərnişinlər də hava limanının əməkdaşları tərəfindən təyyarənin qapılarından çıxarılıb, bəziləri daha sonra təyyarənin girişindən qaçıb.
Təyyarə uçuş-enmə zolağında sürüşsə də, Diane Perri bildirib ki, qəzadan baqajını yoxlamaq üçün növbədə gözləyən zaman ailəsi ona zəng edəndə xəbər tutub.
"Aeroportda olmağımız və çöldə qəza olduğunu bilməməyimiz bir az ironikdir" Perri BBC-yə bildirib.
Qəzanın səbəbi hələlik bəlli deyil.
İki uçuş-enmə zolağı təhqiqat üçün bir neçə gün bağlı qalacaq və sərnişinlərə müəyyən gecikmələrin olacağı bildirilib. "Bizim hələ də burada sağ olmağımız inanılmazdır" deyir Nelson.
