Avropa Birliyi Ukraynaya hərbi yardım üçün yeni maliyyə ayırmaq istəyir.
Axar.az xəbər verir ki, bu barədə Polşanın "Money" agentliyi mövcud sənədə istinadən məlumat yayıb.
Məlumata görə, fevralın 18-də AB səfirləri AB-yə üzv dövlətlərin könüllü töhfələri hesabına maliyyələşəcək yeni fondun yaradılması təşəbbüsünü müzakirə ediblər.
Bildirilir ki, burada əsas məqsəd Ukraynanın iri çaplı artilleriya döyüş sursatları, hava hücumundan müdafiə sistemləri və uzaq mənzilli raketlər, Ukrayna hərbi sənayesinə dəstək kimi ən aktual müdafiə ehtiyaclarını ödəməkdir.
