Donald Tramp Ağ Evdə çıxış edərək Rusiya ilə ABŞ arasında aparılan danışıqları şərh edib. Siyasətçi Zelenskini də sərt tənqid edib.
Əsas bəyanatlar:
— O bildirib ki, Ər-Riyadda ABŞ-Rusiya danışıqlarından sonra Ukraynadakı münaqişənin həlli ilə bağlı razılaşmanın əldə olunacağına “daha inamlı” olub.
— Tramp bildirib ki, Kiyevin Rusiya və ABŞ arasında Ukraynada nizamlanmaya dair danışıqlardan narazı olması ilə bağlı məlumatdan məyus olub: “Onların danışıqlar masası arxasında oturmaq üçün üç il vaxtı var idi”.
— Ukraynadakı münaqişə bir neçə il əvvəl “hətta orta səviyyəli danışıqlar aparan şəxs tərəfindən” ərazi itkiləri olmadan həll edilə bilərdi.
— Ukrayna danışıqlar masası arxasında oturmaq istəyirsə, seçkilərə ehtiyacı var. Zelenskini xalq cəmi 4% bəyənir.
— Rusiya Ukrayna şəhərlərini, o cümlədən Kiyevi “çox tez” 100% məhv etməyə qadirdir, lakin bunu etmək istəmir.
— Ukraynaya verdiyimiz bütün pullar hara getdi? Zelenskinin özü ABŞ-ın verdiyi pulun yarısının harada olduğunu bilmir.
— ABŞ Avropa qoşunlarının Ukraynaya yeridilməsinin əleyhinə deyil, lakin orada Amerika qoşunları olmayacaq.
