ABŞ prezidenti Donald Tramp fevralda Rusiya lideri Vladimir Putinlə görüşəcəyini mümkün hesab edib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə o, Florida ştatının Mar-a-Laqo şəhərindəki malikanəsində jurnalistlərə məlumat verib.
Belə bir görüşün bu ay baş tutub-tutmayacağı ilə bağlı suala Tramp “Ola bilər” deyib.
O, həmçinin hakimiyyətə qayıtmazdan əvvəl dünyada baş vermiş böhranların həllini ABŞ prezidenti kimi fəaliyyətinin mühüm hissəsi adlandırıb: “Mən yanğınsöndürən kimiyəm. Mən bütün dünyada yanğınları söndürməliyəm".
Tramp həmçinin Moskva ilə Vaşinqton arasında Səudiyyə Ərəbistanında Rusiya-Ukrayna münaqişəsinin həllinə yönəlmiş danışıqlardan razı qaldığını bildirib.
Tramp danışıqları “çox yaxşı” adlandırıb və əlavə edib ki, indi münaqişənin həllinə nail ola biləcəyinə daha çox əmindir.
