Qeyd olunur ki, bu sınaq “cari dünyada baş verən hadisələrə cavab deyil”.
QHT.az xəbər verir ki, ABŞ bu gün Vandenberq Hərbi Hava Qüvvələri bazasından Minuteman III qitələrarası ballistik raketini (ICBM) sınaqdan keçirib. Hərbi Hava Qüvvələrinin açıqlamasına görə, bu sınaq ABŞ-ın nüvə qüvvələrinin etibarlılığını və hazırlıq səviyyəsini nümayiş etdirmək məqsədi daşıyır. Raket nüvə başlığı olmadan buraxılıb və Marşal adalarındakı raket əleyhinə müdafiə sınaq poliqonuna qədər 6800 km məsafə qət edib. ABŞ ordusu sınağın cari dünya hadisələri ilə bağlı olmadığını və strateji çəkindirmə qabiliyyətinin gücləndirilməsi üçün nəzərdə tutulduğunu vurğulayıb.
R.İmanov
