Ötən ilin nəticələrinə görə Azərbaycanda ictimai iaşə dövriyyəsi 2 milyard 374 milyon manat təşkil edib.
Publika.az bu barədə Dövlət Statistika Komitəsinə istinadən xəbər verir.
Məlumata əsasən, ən yüksək dövriyyə 1 milyard 696 milyon manat olmaqla Bakı şəhərində qeydə alınıb.
Sumqayıt şəhəri 53,1 milyon manatla 2-ci, Gəncə şəhəri isə 48,8 milyon manatla üçüncü olub.
Qəbələ rayonunda ictimai iaşə obyektləri təxminən 28,3 milyon manat, Xaçmaz rayonunda 27,2 milyon manat, Bərdə rayonunda isə 26 milyon manat əldə ediblər.
