Azərbaycanın sabiq baş naziri Artur Rasi‑zadə “Heydər Əliyev” ordeni ilə təltif edilib.
Modern.az xəbər verir ki, Prezident İlham Əliyev bununla bağlı Sərəncam imzalayıb.
Sərəncama əsasən, ictimai-siyasi həyatında uzunmüddətli səmərəli fəaliyyətinə və dövlət qulluğunda müstəsna xidmətlərinə görə Artur Tahir oğlu Rasi‑zadə “Heydər Əliyev” ordeni ilə təltif olunub.
Xatırladaq ki, bir neçə gündən sonra – fevralın 26-da Artur Rasizadə yubileyini qeyd edəcək – onun 90 yaşı tamam olur.
Artur Rasizadə Azərbaycanın Baş naziri postunda düz 22 il çalışıb.
