"Mançester Siti"nin baş məşqçisi Pep Qvardiola "şəhərlilər"ın UEFA Çempionlar Liqasında mübarizəni dayandırmasından sonra gələcəyi haqda danışıb.
Publika.az xəbər verir ki, ispaniyalı mütəxəssis işinə davam etmək istədiyini bildirib:
"Qalmaq və "Mançester Siti"ni çalışdırmağa davam etmək istəyirəm. Bu, mənim planımdır. Mən buna tam əminəmmi? Bəli, bəli, bəli..."
Qeyd edək ki, "Siti" pley-off mərhələsinin hər iki görüşündə "Real"a uduzaraq (1:3, 2:3) turnirlə vidalaşıb.
