Xocalıda yaşayış yerləri telekommunikasiya xidmətləri ilə təmin edilib

“Aztelekom” MMC tərəfindən Xocalı rayonunda məskunlaşma olan bütün yaşayış yerləri və biznes subyektləri, internet də daxil olmaqla, telekommunikasiya xidmətləri ilə təmin olunub.

Operativ Mediaxəbər verir ki, Xocalıda 211 ev təsərrüfatı və 4 biznes subyekti, Ballıca kəndində isə 57 ev təsərrüfatı və 1 biznes subyekti müasir telekommunikasiya xidmətlərinə qoşulub.

GPON texnologiyasının tətbiqi ilə abunəçilərə yüksəksürətli internetlə yanaşı, “internet + telefoniya”, “internet + televiziya (ikisi birində)” və “internet + telefoniya + televiziya (üçü birində)” xidmətləri də təqdim edilib.