Vyetnamda ad gününü qeyd edən qadının əlindəki helium şarı partlayıb və nəticədə onun üzü yanıb.
Publika.az xəbər verir ki, hadisə Giang adlı qadının üzərində şamlar olan tortla hidrogenlə doldurulmuş şarı bir-birinə yaxın tutması nəticəsində baş verib.
Hadisədən sonra xəstəxanaya çatdırılan qadının üzündə, əllərində və qollarında ikinci dərəcəli yanıqlar olduğu müəyyən edilib.
Müalicəsi davam edən Giang “Yaşadığım qorxudan uzun müddət hadisənin görüntülərinə baxa bilmədim. Bilsəydim, özümü belə təhlükəyə atmazdım. Bu xoşagəlməz hadisə başqalarına da dərs olsun" deyib.
