Fevralın 22-də azı 602 fələstinli məhbus İsrail həbsxanalarından azad ediləcək.
Oxu.Az xəbər verir ki, bu barədə HƏMAS hərəkatının məhbuslarla iş üzrə ofisinin "Telegram" kanalı məlumat paylaşıb.
Bildirilir ki, onlardan 50 nəfəri ömürlük həbsə məhkum edilmiş dustaqdır:
"60 nəfər uzunmüddətli həbs cəzasına məhkum edilən, 47 nəfər isə təkrar həbs ediləndir. 445 fələstinli isə 2023-cü il oktyabrın 7-dən sonra saxlanılanlardır".
Fələstinlilər Qəzza zolağında atəşkəs haqqında saziş çərçivəsində azadlığa buraxılacaq.
Mənbə: oxu.az
