“Mançester Siti”nin baş məşqçisi Pep Qvardiola mərkəz müdafiəçisi Con Stounsun ciddi zədə aldığını və uzun müddətə sıradan çıxdığını təsdiqləyib.
Publika.az xəbər verir ki, “City Xtra” bu barədə Qvardioladan sitat gətirib:
“Onun ciddi zədəsi var. Yaxın bir neçə saat və ya günlərdə onun əməliyyata ehtiyacı olub-olmadığını biləcəyik. Bəli, uzun müddət olmayacaq”.
30 yaşlı futbolçu Çempionlar Liqasının pley-off mərhələsinin “Real Madrid”lə cavab görüşündə (3:1) diskomfort hiss edib. Stounz oyunun səkkizinci dəqiqəsində əvəzlənib.
